Mércores no Campus. Terceiro día

Despois dun duro día de traballo con moito bochorno durante todo o día (aínda que máis levadeiro que o luns xa que as mangueiras axudaron) encontrámonos pola mañá na praia, onde un operario do concello de Boiro estase encargando de alisar os campos para a boa práctica do voleipraia no Campus.

Hoxe toca un día máis tranquilo e de relax, onde pola mañá desconectaremos do voleipraia para que membros da Cruz Vermella den as súas clases de seguridade deportiva e pola tarde, os monitores realizarán diversos xogos para que por un día se desconecte un pouco e os rapaces veñan os restantes coas pilas cargadas.