V CAMPUS BARRAÑA VOLEI PRAIA

 Estimados/as barrañentos/as, estamos de volta. Un ano máis, como xa é tradición, a praia de Barraña (Boiro) será o escenario da quinta edición do Campus Barraña Volei Praia. Dende o 2011, punto de partida dunha nova e ilusionante tempada na area. Así pois, reservade un oco nas vosas axendas do 27 ao 1 de xullo!

Chema Sánchez, coa dupla olímpica Herrera-Gavira

  Nesta edición, a dinámica será moi similar á de anos anteriores. Xornadas de mañá e tarde, dirixidas polos adestradores do Barraña Volei Praia e coa colaboración dun invitado de luxo: Chema Sánchez, referente do volei praia nacional e, de seguro, unha das persoas  máis involucradas neste noso deporte. O fundador do CVP Net 7 Gran Canaria, promotor do Beach Volley Around The World (BVAW) , "speaker" en gran cantidade de competicións de volei praia e graduado en Ciencias da Educación Física pola ULPGC elevará o nivel do noso Campus, aportando experiencia e coñecementos os cinco días da semana. Unha xoia! 

  Como xa é habitual, o aloxamento correrá conta da Pensión Os Trillizos, lugar de descanso dos participantes que así o desexen e que en todo momento estarán acompañados por monitores e voluntarios do Barraña Volei Praia. 

  Así que... se tes entre 10 e 21 anos, non o dubides! Comeza con nós este verán 2016 cargado do mellor volei praia! Agardámoste!

   Descarga aquí a ficha de inscrición para o Campus.

Prazo de inscripción aberto para o III Campus Barraña Volei Praia

Xa comezamos oficialmente a tempada 2014 de praia e con ela damos anunciamos o III Campus de Verán Barraña Volei Praia.

O Campus levarase a cabo a última semana de Xuño (do 23 ó 28)  na praia de Barraña en Boiro. A actividade está dirixida para rapaces e rapazas de entre 12 e 20 anos e está pensada para que os rapaces e rapazas disfruten da semana xogando, aprendendo e convivindo con máis rapaces da súa idade

Este ano, ademáis, contaremos coa presenza de do subcampión olímpico en Atenas 2004 Javier Bosma que repite participación neste Campus despois do éxito do ano pasado, e con Manolo Berenguel campeón de España de volei praia en 5 ocasións, 3 veces elexido mellor  xogador nacional e ex-xogador da selección de España de voleipraia en diversos campionatos a nivel mundial.

Javier Bosma dará as súas master class Luns e Martes e Manolo Berenguel estará de Martes a Sábado. 
O método para inscribirse é o de premer neste link, descargar as dúas follas que se adxuntan e cubrilas. Unha vez feito isto é necesario que nos remitades unha copia, xunto con outra copia do resgardo do ingreso na conta do clube, á dirección de correo do clube (barranavp@gmail.com) ou ben persoalmente a algún dos responsables. Tedes máis información neste documento.

Se che interesa, xa sabes, non deixes escapar esta oportunidade única. Xogarás, aprenderás e sobre todo divertiraste con nós.

Campionato de España cadete masculino e Proba do Circuito Barbanza en Barraña

Este fin de semana estase celebrando na praia de Barraña o Campionato de España Cadete Masculino de Voleipraia de clubes, con 3 equipos galegos (pertencentes a Boiro, Dumbría e Bruxas). A nosa representación corre a cargo de Ismael, Lois e Félix que terán que competir con duros rivais do resto da península.

Por outra parte, despois do I Open do Miramar, pertencente ó Circuíto Barbanza Volei Praia, chega a proba de tódolos anos, a de Boiro. Diversas parellas galegas (e neste caso de fora da nosa comunidade) competirán este fin de semana na praia de Barraña.

Sorte a todos

Campionato Infantil Masculino de Volei Praia

O pasado fin de semana celebrouse na praia do Ézaro, en Dumbría o Campionato de España Infantil de Volei Praia ó que acudiron diversos equipos don oso clube. Así pois os máis destacados dos nosos e nosas xogadores foron quenes de acadar unha 3ª e 8ª posición respectivamente. 
O equipo masculino formado por Rubén, Pablo, Daniel e Darío foron quen de derrotar ó equipo Valenciano de Xativa, demostrando que teñen un gran potencial e que darán de que falar nos vindeiros anos.
O equipo das rapazas, formado por Lea, Enma Paula e Irea acadaron un moi bo 8º posto.
Non sen menos mérito remataron o torneo os outros dous equipos cos que participou o noso clube, o outro equipo masculino, formado por Gabriel, Alex, Jorge e Chistopher,  rematou nun moi meritorio 5º posto mentras que o segundo equipo feminino, formado por Laura, Lía, Ada, Marta e Caliope, rematou nun 17º posto, cousa que demostra que os técnicos do noso clube están facendo un bo traballo. 

Noraboa a todos

Prazo de inscripción aberto para o II Campus Barraña Volei Praia

Xa comezamos oficialmente a tempada 2013 de praia e con ela comezamos a dar a coñecer as primeiras actividades que levaremos a cabo.

Para comezar, a última semana de Xuño (do 24 ó 29) celebraráse o II Campus Barraña Volei Praia, na praia de Barraña en Boiro. A actividade está dirixida para rapaces e rapazas de entre 12 e 20 anos, que desexen pasar unha semana de volei praia con adestramentos, partidos e diversión.

Este ano, ademáis, contaremos coa presenza de campións galegos como Germán Romero e Agustín Mourís, coa presenza do seleccionador autonómico Eloy Mahía e finalmente co subcampión olímpico en Atenas 2004 Javier Bosma.

O método para inscribirse é o de premer neste link, descargar as dúas follas que se adxuntan e cubrilas. Unha vez feito isto é necesario que nos remitades unha copia, xunto con outra copia do resgardo do ingreso na conta do clube, á dirección de correo do clube (barranavp@gmail.com) ou ben persoalmente a algún dos responsables. Tedes máis información neste documento.

Se che interesa, xa sabes, non deixes escapar esta oportunidade única. Xogarás, aprenderás e sobre todo divertiraste con nós.